CLUB DE LECTURA DIVERLER

 O pasado martes, 15 de xuño, o alumnado do club de lectura de 1ºESO, 34 rapaces e rapazas, fixeron unha lectura dramatizada da adaptación titulada "Dormente en pezas faladas", da obra teatral "Dormente", da autora Raquel Castro. Ao remate, os actores e actrices e tamén o público, tiveron un encontro coa autora no que debatiron as inquenzas polos significados dunah escrita que deconstrúe os tópicos das ensinanzas dos contos tradicionais dende unha perspectiva de xénero chea de humor e ironía.

Os integrantes do grupo do club de lectura de 2º ESO de lecturas inclusivas leron o libro nós outras , de Marica Campo e Menchu Lamas neste terceiro trimestre.  O libro gustounos moito e deunos moito xogo para falar sobre diversidade e inclusión. A obra contén 12 poemas que son un canto contra o racismo, a transfobia ou a desigualdade de xénero, entre outros temas.  Para darlle visibilidade á temática do libro propuxéronse dous proxectos diferentes. Un consistía en gabar un vídeo recitando algún dos poemas. O vídeo máis orixinal o fixo Carla Díaz, de 2º ESO C, que empregou figuriñas de lego. O segundo proxecto pretendía retomar os poemas de Marica Campo e reproducir a diversidade que presentan dun xeito orixinal e visual. A idea era caracterizar unhas brochas coma se foran persoas, diferentes en raza, idade, capacidades, etnia, xénero...pero mostrando que todas ‘pintan algo’. O conxunto final colgouse nun no corredor do centro para que todo o alumnado e profesorado puideran ve...

 Pincha sobra a imaxe para ir aos vídeos que o alumnado e o profesorado do centro fixeron en galego para o proxecto Clásicos en Pandemia, no que o Club de lectura participou activamente.  Your browser does not support the video tag.

Hai unhas semanas a palabra zorra foi unha das máis buscadas no dicionario da Real Academia Galega debido a este capítulo do Dígocho eu . No entanto, o alumnado que forma parte do club de lectura de 3º de ESO do IES Ribeira do Louro xa coñecía o significado desta palabra en galego grazas a un poema de Carlos Negro do seu libro Aplicación instantánea , o primeiro que lemos durante este curso no club. Esperamos que vos guste tanto como a nós. 😊 Xa tardabas, ho. En canto unha moza che leva a contraria, disparas. Pero non creas que me arredo. Porque aprendín a vivir noutro idioma e cando ti me chamas  zorra coma quen cospe un esgarro eu entendo adrede outra cousa e subo lixeira nese carriño con esquís que me leva montaña abaixo lonxe moi lonxe de ti, como unha Heidi feliz que non precisa dun Pedro feroz.  

  O Martes 23 de Febreiro celebrouse a primeira sesión do Obradoiro de Banda Deseñada. A relatora foi a profesora e artista Elena Gómez Dahlgren. Explicounos moitas cousas sobre a linguaxe estética do mundo do cómic e mostrounos exemplos. Tamén nos prestou uns cómics dos anos 80 da súa colección particular e, por supostos, púxonos a traballar. Vídeo da sesión

 O pasado martes celebrouse a sesión preparatoria para participar no obradoiro de banda deseñada. O profesor Matías Rodríguez falounos de Xela Arias, contounos feitos, aspectos e datos moi interesantes e tamén animouse a recitar algún que outro poema da autora. Estamos desexando que comece o obradoiro o próximo 23 de febreiro. alumnado do club de lectura de 1º ESO

  O obradoiro de banda deseñada programado para o vindeiro mércores 27 queda posposto por mor da ausencia dunha ponente. A nova data está aínda por determinar. 

O cómic é unha linguaxe plástica e máis literaria que narra a realidade ou que transmite mundos de fantasía. Este obradoiro céntrase no aspecto creativo do cómic, aprendendo todos os pasos para crear a nosa propia banda deseñada co fin de narrar os feitos máis salientábeis da vida da escritora Xela Arias. O produto final será publicado na revista Órbita e compartido con toda a comunidade educativa o día das letras galegas, 17 de Maio. A actividade está a cargo de: Laura Iglesias , profesora de galego e educación plástica. Matías Rodríguez , profesor de galego e de portugués O obradoiro ten unha duración de 4 horas, repartidas en dúas sesións: 1ª sesión: mércores 27 de Xaneiro 2021 de 15:30 a 17:30 2ª sesión: mércores 3 de Febreiro 2021 de 15:30 a 17:30 O alumnado quedará a comer no patio do centro. Respectaranse as medidas sanitarias establecidas pola comisión anticovid. Deixamos unha ligazón sobre banda deseñada en Galicia para abrir a boca:  BANDA DESEÑADA